namo 'cintya-adbhuta-akliSTa-jJAna-vairAgya-rAZaye /
nAthAya munaye 'gAdha-bhagavad-bhakti-sindhave //1//

tasmai namo madhujid-aGghri-saroja-tattva-jJAna-anurAga-mahima-atiZaya-antasImne /
nAthAya nAtha-munaye 'tra paratra ca+api nityaM yadIya-caraNau ZaraNaM madIyam //2//

bhUyo namo 'parimita-acyuta-bhakti-tattva-jJAna-amRta-abdhi-parivAha-Zubhair vacobhiH /
loke 'vatIrNa-parama-artha-samagra-bhakti-yogAya nAtha-munaye yaminAM varAya //3//

tattvena yaZ cid-acid-IZvara-tat-svabhAva-bhoga-apavarga-tad-upAya-gatIr udAraH /
saMdarZayan niramimIta purANa-ratnaM tasmai namo muni-virAya parAZarAya //4//

mAtA pitA yuvatayas tanayA vibhUtiH sarvaM yad eva niyamena mad-anvayAnAm /
Adyasya naH kula-pater vakula-abhirAmaM ZrImat tad-aGghri-yugalaM praNamAmi mUrdhnA //5//

yan mUrdhni me Zruti-Zirassu ca bhAti yasminn asman-mano-ratha-pathaH sakalaH sameti /
stoSyAmi naH kula-dhanaM kula-daivataM tat pAda-Aravindam aravinda-vilocanasya //6//

tattvena yasya mahima-arNava-ZIkara-aNuH Zakyo na mAtum api Zarva-pitAmaha-adyaiH /
kartuM tadIya-mahima-stutim udyatAya mahyaM namo 'stu kavaye nirapatrapAya //7//

yad vA Zrama-avadhi yathA-mati vA 'py aZaktaH staumy evam eva khalu te 'pi sadA stuvantaH /
vedAZ catur mukha-mukhAZ ca; mahA-arNava-antaH ko majjator aNu-kula-acalayor viZeSaH ? //8//

kiM ca+eSa Zakty-atiZayena na te 'nukampyaH stotA 'pi tu stuti-kRtena pariZrameNa /
tatra Zramas tu sulabho mama manda-buddher ity udyamo 'yam ucito mama ca+abja-netra ! //9//

na+avekSase tyadi tato bhuvanAny amUni na+alaM prabho bhavitum eva kutaH pravRttiH ? /
evaM nisarga-suhRdi tvayi sarva-jantメH svAmin ! citram idam AZrita-vatsalatvam //10//

svAbhAvika-anavadhika-atiZaya-IZitRtvaM nArAyaNa ! tvayi na mRSyati vaidikaH kaH ? /
brahmA ZivaH ZatamakhaH parama-sva-rAD ity ete 'pi yasya mahima-arNava-vipraSas te //11//

kaZ ZrIH ZriyaH ? parama-sattva-samAZrayaH kaH ? kaH puNDarIka-nayanaH ? puruSottamaH kaH ? /
kasya+ayuta-ayuta-eka-kalAMZaka-aMZe viZvaM vicitra-cidacit-pravibhAga-vRttam //12//

veda-apahAra-guru-pAtaka-daitya-pIDa-Apad-vimocana-mahiSTha-phala-pradAnaiH /
ko 'nyaH prajA-paZu-patI paripAti ? kasya pAda-udakena sa ZivaH sva-Ziro-dhRtena ? //13//

kasya+udare hara-viriJca-mukhaH prapaJcaH ? ko rakSati+imam ? aja-niSTa ca kasya nAbheH ? /
krAntvA nigIrya punar udgirati tvad-anyaH kaH ? kena vA+eSa paravAn iti Zakya-ZaGkaH ? //14//

tvAM ZIla-rUpa-caritaiH parama-prakRSTa-sattvena sAttvikatayA prabalaiZ ca ZAstraiH /
prakhyAta-daiva-parama-artha-vidAM mataiZ ca na+eva+asura-prakRtayaH prabhavanti boddhum //15//

ullaGghita-trividha-sIma-sama-atiZAyi-saMbhAvanaM tava paribraDhima-svabhAvam /
mAyA-balena bhavatA 'pi niguhyamAnaM paZyanti kecid aniZaM tvad-ananya-bhAvAH //16//

yad aNDam aNDa-antara-gocaraM ca yad-daZa-uttarANy AvaraNAni yAni ca /
guNAH pradhAnaM puruSaH paraM padaM parAt paraM brahma ca te vibhUtayaH //17//

vaZI vadAnyo guNavAn RjuH Zucir mRdur dayAlur madhuraH sthiraH samaH /
kRtI kRta-jJas tvam api svabhAvataH samasta-kalyANa-guNa-amRta-udadhiH //18//

upary upary abja-bhuvo 'pi pUruSAn prakalpya te ye Zatam ity anukramAt /
giras tvad eka-eka-guNa-avdhIpsayA sadA sthitA na+udyamato 'tiZerate //19//

tvad-AZritAnAM jagad-udbhava-sthita-praNAZa-saMsAra-vimocana-AdayaH /
bhavanti lIlA-vidhayaZ ca vaidikAs tvadIya-gambhIra-mano-'nusAriNaH //20//

namo namo vAG-manasA-atibhUmaye namo namo vAG-manasA-eka-bhUmaye /
namo namo 'nanta-mahA-vibhUtaye namo namo 'nanta-dayA-eka-sandhive //21//

na dharma-niSTho 'smi, na ca+Atma-vedI, na bhaktimAMs tvac-caraNa-Aravinde /
akiJcano 'nanya-gatiH ZaraNya ! tvat-pAda-mUlaM ZaraNaM prapadye //22//

na ninditaM karma tad asti loke sahasraZo yan na mayA vyadhAyi /
so 'haM vipAka-avasare mukunda ! krandAmi sampraty agatis tava+agre //23//

nimajjato 'nanta ! bhava-arNava-antaZ cirAya me kUlam iva+asi labdhaH /
tvayA 'pi labdhaM bhagavann idAnIm anuttamaM pAtram idaM dayAyAH //24//

abhUta-pUrvaM mama bhAvi kiM vA sarvaM sahe me sahajaM hi duHkham /
kiM tu tvad-agre ZaraNAgatAnAM parA-bhavo nAtha ! na te 'nurUpaH //25//

nirAsakasya+api na tAvad utsahe maheZa ! hAtuM tava pAda-paGkajam /
ruSA nirasto 'pi ZiZuH stanandhayo na jAtu mAtuZ caraNau jihAsati //26//

tava-amRta-syandini pAda-kaGkaje niveZita-AtmA katham anyad icchati /
sthite 'ravinde makaranda-nirbhare madhu-vrato na+ikSurakaM hi vIkSate //27//

tvad-aGghrim uddiZya kadA 'pi kenacid yathA tathA vA 'pi sakRt kuto 'JjaliH /
tadA+eva muSNAty aZubhAby aZeSataH ZubhAni puSNAti na jAtu hIyate //28//

udIrNa-saMsAra-dava-aZuZukSaNiM kSaNena nirvApya parAM ca nirvRtim /
prayacchati tvac-caraNa-AruNa-ambuja-dvaya-anurAga-amRta-sindhu-ZIkaraH //29//

vilAsa-vikrAnta-para-avara-AlayaM namasyad-Arti-kSapaNe kRta-kSaNam /
dhanaM madIyaM tava pAda-paGkajaM kadA nu sAkSAt-karavANi cakSuSA ? //30//

kadA punaH ZaGkha-rathAGga-kalpaka-dhvaja-Aravinda-aGkuZa-vajra-lAJchanam /
trivikrama ! tvac-caraNa-ambuja-dvayaM madIya-mUrdhAnam alaGkariSyati //31//

virAjamAna-ujjvala-pIta-vAsasaM smita-atasI-sUna-sama-amala-cchavim /
nimagna-nAbhiM tanu-madhya-munnataM viZAla-vakSas-sthala-Zobhi-lakSaNam //32//

cakAsataM jyA-kiNa-karkaZaiH ZubhaiZ caturbhir AjAnu-vilambhir bhuhaiH /
priya-avataMsa-utpala-karNa-bhUSaNa-Zlatha-alakA-bandha-vimarda-ZaMsibhiH //33//

udagra-pIna-aMsa-vilambi-kuNDala-alaka-avalI-bandhura-kanbukandharam /
mukha-ZriyA nyakkRta-pUrNa-nirmala-amRta-aMZu-bimba-amburuha-ujjvala-Zriyam //34//

prabuddha-mugdha-ambuja-cAru-locanaM savibhrama-bhrUlatam ujjvala-adharam /
Zuci-smitaM komala-gaNDam unnasaM lalATa-paryanta-vilambita-alakam //35//

sphurat-kirITa-aGgada-hAra-kaNDhikA-maNi-indra-kAJcIguNa-nUpura-Adi-bhiH /
ratha-aGga-ZaGkha-asi-gadA-dhanur-varair lasat-tulasyA vanamAlaya-ujjvalam //36//

cakartha yasyA bhavanaM bhuja-antaraM tava priyaM dhAma yadIya-janma-bhUH /
jagat-samastaM yad-apAGga-saMZrayaM yad-artham ambhodhir amanthy abandhi ca //37//

sva-vaiZvarUpyeNa sadA-anubhUtayA+apy apUrvavad-vismaya-mAda-dhAnayA /
guNena rUpeNa vilAsa-ceSTitais sadA tava+eva+ucitayA tava ZriyA //38//

tayA saha-asInam ananta-bhogini prakRSTa-vijJAna-bala-eka-dhAmani /
phaNA-maNi-vrAta-mayUkha-maNDala-prakAZamAna-udara-divya-dhAmani //39//

nivAsa-ZayyAsana-pAduka-aMZuka-upadhAna-varSa-Atapa-vAraNa-AdibhiH /
ZarIra-bhedais tava ZeSatAM gatair yathA-ucitaM ZSa iti+Irite janaiH //40//

dAsas sakhA vAhanam AsanaM dhvajo yas te vitAnaM vyajanaM trayI-mayaH /
upasthitaM tena puro garutmatA tvad-aGghri-sammarda-kiNa-aGka-ZobhanA //41//

tvadIya-bhukta-ujjihita-ZeSa-bhojinA tvayA nisRSTa-Atma-bhareNa yad-yathA /
priyeNa senApatinA nyavedi tat-tathA-anujAnantam udAra-vIkSanaiH //42//

hata-akhila-kleZa-malaiH svabhAvatas tvad-AnukUlya-eka-rasais tava-ucitaiH /
gRhIta-tat-tat-paricAra-sAdhanair niSevyamANaM sacivair yathA-ucitaM //43//

apUrva-nAnA-rasa-bhAva-nirbhadra-prabaddhayA mugdha-vidagha-lIlayA /
kSaNa-aNuvat kSipta-para-Adi-kAlayA praharSayantaM mahiSIM mahAbhujanam //44//

acintya-divya-adbhuta-nitya-yauvana-svabhAva-lAvaNya-maya-amRta-udadhim /
ZriyaH ZriyaM bhakta-jana-eka-jIvitaM samartham Apat-sakham arthi-kalpakam //45//

bhagavantam eva+anucaran nirantaraM praZAnta-niZZeSa-manoratha-antaraH /
kadA+aham aikAntika-nitya-kiGkaraH praharSayiSyAmi sanAtha-jIvitaH //46//

dhig aZucim avinItaM nirbhayaM mAm alajjaM parama-puruSa yo 'ham yogi-varya-agra-gaNyaiH /
vidh-Ziva-sanaka-Adyair dhyAtum atyanta-dUraM tava parijana-bhAvaM kAmaye kAma-vRttaH //47//

aparAdha-sahasra-bhAjanaM patitaM bhIma-bhava-arNava-udare /
atagiM ZaraNAgataM hare kRpayA kevalam Atma-sAt-kuru //48//

aviveka-ghana-andha-diGmukhe bahudhA santata-duHkha-varSiNi /
bhagavan bhava-durdine pathaH skhalitaM mAm avalokaya+aciyuta //49//

na mRSA parama-artham eva me ZRnu vijJApanam ekam agrataH /
yadi me na dayiSyase tato dayanIyas tava nAtha durlabhaH //50//

tad ahaM tvad Rte na nAthavAn mad Rte tvaM dayanIyavAn na ca /
vidhi-nirmitam etam anvayaM bhagavAn palaya mA sma jIhapaH //51//

vapur-AdiSu yo 'pi ko 'pi vA guNato 'sAni yathA-tathA-vidhaH /
tad ayaM tava pAda-padmayor aham adya+eva mayA samarpitaH //52//

mama nAtha yad asti yo 'smy ahaM sakalaM tad dhi tava+eva mAdhava /
niyata-svam iti prabuddha-dhIr atha vA kiM nu samarpayAmi te //53//

avabodhitavAn imAM yathA mayi nityAM bhavadIyatAM svayam /
kRpayA+evam ananya-bhogyatAM bhagavan bhaktim api prayaccha me //54//

tava dAsya-sukha-eka-saGghinAM bhavaneSu astv api kITa-janma me /
itara-avasatheSu mA sma bhUd api me janma catur-mukha-AtmanA //55//

sakRt tvad-AkAra-vilokana-AZayA tRNIkRta-anuttama-bhukti-muktibhiH /
mahA-Atmabhir mAm avalokyatAM naya kSaNe 'pi te yad viraho 'tidussahaH //56//

na dehaM na prANAn na ca sukham aZeSa-abhilaSitaM
   na ca+AtmAnaM na+anyat ki api tava ZeSatva-vibhavAt /
bahir-bhUtaM nAtha kSaNam api sahe yAtu ZatadhA
   vinAZaM tat satyaM madhumathana vijJApanam idam //57//

durantasya+anAder apariharaNIyasya mahato
   nihIna-AcAro 'haM nRpaZur aZubhasya+Aspadam api /
dayA-sindho bandho niravadhika-vAtsalya-jaladhe !
   tava smAraM smAraM guNa-gaNam iti+icchAmi gatabhIH //58//

anicchann apy evaM yadi punar iti+icchann iva rajas-tamaZ-channac chadma-stuti-vacana-bhaGgIM aracayam /
tathA+api+itthaM-rUpaM vacanam avalambya+api kRpayA tvam eva+evam-bhUtaM dharaNi-dhara me ZikSaya manaH //59//

pitA tvaM mAtA tvaM dayita-tanayas tvaM priya-suhRt tvam eva tvaM mitram gurur asi gatiZ ca+asi jagatAm /
tvadIyas tvad-hbRtyas tava parijanas tvad-gatir ahaM prapannaZ ca+evaM saty aham api tava+eva+asmi hi bharaH //60//

janitvA 'haM vaMZe mahati jagati khyaata-yaZasAM
   ZucInAM yuktAnAM guNa-puruSa-tattva-sthiti-vidAm /
nisargAd eva tvac-caraNa-kamala-aikAnta-manasAm
   adho 'dhaH pApa-AtmA ZaraNa-da nimajjAmi tamasi //61//

amaryAdaH kSudraZ cala-matir asUya-prasava-bhUH kRta-ghno durmAnI smara-para-vaZo vaJcana-paraH /
nR-ZaMsaH pApiSThaH katham aham ito duHkha-jala-dher apArAd uttIrNas tava paricareyaM caraNayoH //62//

raghuvara yad abhUs tvaM tAdRZo vAyasasya praNata iti dayAlur yac ca caidyasya kRSNa /
pratibhavam aparAddhur mugdha sAyujyado 'bhUr vada kim apadam Agas tasya te 'si kSamAyAH //63//

nanu prapannas sakRd eva nAtha tava+ahaM asmi+iti ca yAcamAnaH /
tava+anukampyas smartaH pratijJAnAM mad-eka-varjaM kim idaM vrataM te //64//

back